::
you're reading
BANYUMASAN

Kapan enggane padha turing maning..?

Kayane wis lawas banget inyong ora ngumpul-ngumpul karo kanca-kanca kuliahan ganu sing biasa gradag-grudug ngalor-ngidul. Apamaning wektu wis meh lulus, gaweane dolan bae sing istilahe touring. Maen banget mbok? lah grombolane jenenge JT alias Jamangah Turing. Inyong esih kemutan pernah maring daerah Purbalingga tapi lewate jalur Baturaden sing manjat adoh banget. Dalane kaya rimba belantara, lumayan sepi. Jen kudu dibutuhna jiwa petualang banget (padahal sih biasa bae he..he..). Lan sing penting maning kudu kuat montore, paling ora ya merk-merk sing lumayan terkenal lah misale Honda apa Yamaha. Aja kaya kancane inyong sing nganggo montor merk ora nggenah, ya harap maklum bae angger ketemu tanjakan lumayan rekasa ngereng-ngereng motore (wonge juga) padahal langka sing mbonceng. Dadi ana pelajaran pertama; nek ketemu tanjakan mending mlaku bae, montore dituntun.

Jalur turing liyane sing lumayan menantang maning yaiku jalur Purwokerto-Wonosobo. Wektu kue ana kepentingan karo penelitian sing dilakokna tentang tengu neng godhong teh, dadine padha turing maring perkebunan teh neng Wonosobo sekalian karo dolan ndeleng keadaan alam Wonosobo sing lumayan adem dibanding Purwokerto. Turinge ya lumayan rekasa, dalane kelak-kelok ndilalah udan maning. Dadi kudu ati-ati dalane lumayan lunyu, akeh bis lan mobil sing gede-gede. Pas neng Wonosobo muter-muter maring ngendi ora, tapi sing madan lumayan nggo pengalaman yaiku maring perusahan teh PT. Tambi. Ndilalah ana kanca sing duwe sedulur neng perusahaan kuwe lan umahe neg Wonosobo. Seliyane olih pengalaman juga olih ampiran sing mestine kon padha medang. Balik sekang Wonosobo pas udan deres tapi Alhamdulilah slamet waras butul balik maning maring ngumah. Ana pelajaran nomer loro; Dolan ngendi-ngendi usahakna mampir nggone sedulure sing apikan.

Ana siji maning turing dalam rangka penelitian tengu yaiku maring perkebuna teh Kaligua neng pereke Paguyangan Brebes. Dalane juga manjat banget, bener-bener nguji ketahanan montor sing denggo. Syukur banget montor-montor tanpa masalah njlajah kawasan perbukitan menuju Kaligua. Perkebunan Kaligua amba banget berhektar-hektar, tapi ora ngerti pastine pirang hektar. Hawane juga adem jilep kaya perkebunan teh liyane. Neng kono ana telaga sing akeh lelene, jenenge telaga Ranjeng. Lele sing neng telaga ora pernah dijukuti sebab ana mitos angger dijukut bakal terjadi sesuatu mbuh apa ora nggenah. Tapi diambil positife bae bahwa larangan kue bisa kanggo sarana pelastarian sumberdaya lele neng Kaligua. Lepas sekang crita mau, pas neng Kaligua seinget inyong padha metiki godhong teh nggo dideleng tengune. Tapi pas diamati neng laboratorium jebule tengune setitik banget. Crita-crita ternyata tehe wis disemprot, ya pantes bae langka tengune. Pelajaran ketelu; nggolet tengu aja neng Kaligua.

Cilacap, ya Cilacap jalur turing liyane. Pertama montoran sekang Purwokerto maring pelabuhan Sleko Cilacap, dilanjutna numpak compreng (kapal kayu) muter-muter neng Segara Anakan gratis..tis. Sebabe mung melu ngancani wong penelitian iwak. Inyong kelalen jenenge tapi mbane kuliah neng Jerman penelitian thesis neng Segara Anakan. Inyong kemutan, keliling Segara Anakan nganti wengi lan udan deres banget, kelalen ora nggawa jas apa mantel udan. Akhire teles jebesss. Nggo pelajaran sing kepapat; Nek kepengin ora teles banyu udan, mendhing adhus banyu segara sekalian.

Lah siki inyong kepengin crita pas turing neng Kebumen, sebelahe pantai Ayah. Inyong kelalen jenenge pantai apa, tapi jalure lewat Sumpiuh terus ngidul tekan segara. Neng kono ana wit semangkane akeh lan akeh wong dodol iwak. Dadine nyampleng banget, kesel dolanan mlaku-mlaku neng pantai terus pada bakaran iwak, cuci mulute semangka. Maen banget pokoke. Kuwe dadi salah siji turing sing favorit masalahe pikiran bombong weteng wareg. Pelajaran penting nomer lima; nek turing aja kelalen urusan weteng.

Sebenere akeh banget tempat sing dikunjungi, tapi insyaalloh kapan-kapan tek critani maning. Sing penting siki anggota JT moga-moga ora kelalen kenangan-kenangan ganu pas padha giat-giate turing nggolet pengalaman urip. Lah bayangna nek siki mungkin wis padha ora bisa, apa maning sing wis mbojo mestine ya mikir pindho nek arep muter-muter kaya ganu maning. Senajan kaya kue tapi mestine esih ana semangat moga-moga bae. Makane inyong takon maring kanca-kanca; Kapan enggane padha turing maning..?

About mamung

lahir di banjoemas ngapak, kini berkelana di amboina manise, berkawan terik dan gemericik hujan, bermain di deburan ombak segara, tertatih berusaha merambahi dunia maya yang penuh warna serbaneka

Discussion

8 thoughts on “Kapan enggane padha turing maning..?

  1. Montor merk ora nggenah???
    Heh kayane inyong kenaaal…
    Mengko disit…mengko disit tèk emut2…
    Sing kae udu ya…
    Halah mboke ya jelas kae montore ramane, montor DAYANG B 7870 DO
    iya bener mbok kaaaaang…
    *aweh biji satus maring mboke*

    Posted by mbokefatih | Saturday, 15 November 2008, 22:05
  2. Haa..haaa..ha…
    Ora mung satus tapi tek tambahi telungatus…
    DAYANG SUPER X

    Posted by muhamaze | Monday, 17 November 2008, 16:38
  3. Salam Hormat, Salam Senyum Kanggo Sedulur Kabeh
    Assalamu’alaikum Wr. Wb.
    Perkenalkan, Saya H.M.Jamil,SQ,MPd ingin meminta dukungan Saudara dalam pemilihan Caleg DPR RI PPP 2009 Dapil Kebumen, Banjarnegara & Purbalingga.
    Semoga bermanfaat bagi kita semua.
    Salam Hangat buat Keluarga Anda
    Wassalamu’alaikum Wr.Wb.

    Posted by muhjamil | Wednesday, 31 December 2008, 23:46
  4. Salam hangat juga.
    Saya rasa ini cara yang cerdas dalam berkampanye. Saya hanya doakan moga2 pak Jamil berhasil dan bisa mengemban amanah, karena saya walaupun asal Banyumas tapi sekarang tinggal di Ambon.. Jadi cuma bisa mendoakan saja.
    Makasih..

    Posted by muhamaze | Wednesday, 7 January 2009, 14:56
  5. “insyaalloh kapan-kapan tek critani maning” Ayo endi critane? tak tagih saiki ben malese mundhak :D

    Posted by WANDI thok | Thursday, 23 July 2009, 00:27
  6. #kang wandhi, nagih2 kayak debt kolektor ae hahaha…

    Posted by muhamaze | Monday, 27 July 2009, 22:14
  7. aku alumi 98,ana info kanca2 seangkatanku? Pak royo,ada email nya?

    | brarti seangkatan karo haryo eko ya kang..? aku ra nduwe email pak royo..

    Posted by wahyu | Friday, 10 February 2012, 20:53
  8. e…ose bocah pancur ada di ambon? Tuangalah, be dulu pernah tinggal di rumah tiga,baguala.di permhn dozen samping zipur 5. Ose tinggal dimana?

    | hehe iyo ee.. beta tinggal di batukoneng om, dekat lah deng rumah tiga situ..

    Posted by wahyu | Friday, 10 February 2012, 20:58

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: